كل واحد مننا ,بيختار الاسم يلي بيعجبو

هاد يلي بيكتب شي رومنسي ,وهاد بيسمي حالو بأبو **** ,وهداك بيسمي حالو كمان بشي مختلف أو شي موسيقي أو غامض أو جريء أو أو أو .......

من فترة فتت على كذا منتدى ,خلاني اتأكد انو اسمي و اسمكون احلى بكتير ........على كلن ,شوفو وخليكون مع الأسطر القليلة القادمة ,وانتو حكمو على الموضوع ...

1-
في بنات مخلوقين غير شكل , بتكون "نصف زرقاء" والنصف التاني غير لون ......

-2-
وفي عالم حلوة ,ومعها مصاري وبتحب السيارات ......و الله مأنعم عليها متل هي "قمر راكبة همر"

-3-
نسوان عاملين ميت عملية تجميل و شد وشفط و نفخ و تكبير و تصغير ورفع و تنزيل ,ووشم ومنيكور وبديكور وميش وهاي لايت وسيشوار وقص وصبغ ومسجات و كريمات وحمرة و حمرة خدود و كحلة عادية و كحلة مايعة و كحل عربي و مسكرة وظل و تظل وحمرة سائلة وما بعرف شو ........ المهم هي المخلوقة فينا نسميها "بنت متعوب عليها" .

-4-
في بنات كتير قوايا ,وقارحين ........ وحدة منهون "صغيره بس خطيره"


-5-
وبنات متل الغزالة (حشا السامعين) ,ولأ مو أي غزالة "غزالة فرنسية" ,طبعاً و لأنها فرنسية أصلية من نص باريس .......حطت صورة باريس هيلتون ........ يؤبشوني انا الفرنسيين (بس مدري ليش باريس هيلتون أميركية !!!)

-6-
وبنات قنوعين ,بيعرفو حالهون حلوين كتير ,بس مو لدرجة القمر لهيك وحدة منهون سمت حالها "شبيهة القمر "

-7-
وبنات شايفة يوم القيامة بالألوان ,و حبيبها خاينها بس هية مضحية و كبيرة .......كبيرة كتير كتير ,لهيك تخلت عن كل مواد التجميل يلي ذكرناهون بالفقرة رقم 3 ,وقررت تكون "مكحلة بدم خاينها"

-8-
اما بالنسبة لبعض الشباب ,فكانت الآراء مغايرة شوي

بتلاقي يا أخي ناس ,ربي من عندو يفك ديقتهون وما بحرمهون شي يارب ,وناس ربك عاطيهون و مانعم عليهون ,بيجو بيحكو قدام العالم و الناس و بيقولو " عندنا كمروتر"

-9-
وناس ربك مبهدلها ,بتضل مو عرفانة الله وين حاططها ,لهالسبب سمت حالها "مشطوف بين أهلي"


-10-
وعالم مناخيرها بالسما ومو شايفة حدا قدامها ,ومفكرتلي حالها شغلة كبيرة كتير ,ما بعرف شبها هالناس ..........قال "فوووقـ مستوآكـ"


-11-
وعالم بينزعل عليها ,لأنها شايفة حالها على شغلة فاضية ........ وما عرفانة انو حق علبة الكولا هوو 15 ليرة بس ........ يا حرام يا حرام ...

" شارب بيبسي وشايف نفسي " أي روح اشتريلك باربيكان أحسنلك ,على الأقل حقها 50 ليرة .


-12-
بالنهاية ما بيصير ما نختم الحلقة ,بشي شغلة موسيقية .......و خصوصي انو في عنا "المسيقار"


فشو رأيك انت وياها .........مو اسمكون احلى ؟؟!!

....